Dövlət orqanlarında vakant vəzifələr üzrə daxili müsahibələr sabah yekunlaşır
On bir dövlət orqanında mövcud olan 22 vakant vəzifə üzrə fevralın 1-dən başlanan daxili müsahibələrin fevralın 22-dək keçirilməsi planlaşdırılır.
Bu barədəAzEdu.az-a Dövlət İmtahan Mərkəzindən (DİM) məlumat verilib. Bildirilib ki, elana çıxarılan vəzifələr üzrə 50 namizəd müraciət edib. Ən yüksək müsabiqə vəziyyəti Qida Təhlükəsizliyi Agentliyi, aparat, rəhbərlik, dövlət orqanı rəhbərinin köməkçisi (1 vakant yer üzrə 20 namizəd), İqtisadiyyat Nazirliyi, beynəlxalq təşkilatlarla əməkdaşlıq şöbəsinin müdiri (1 vakant yer üzrə 5 nəfər) vəzifələri üzrə yaranıb. Bu günə olan məlumata görə, müsahibələrdə 19 nəfər uğur qazanaraq dövlət orqanlarında müxtəlif vəzifələrə uyğun bilinib.
