İbtidai təhsil mütləq ana dilində olmalıdır-Professor
“Şagirdlər tarix dərsini Azərbaycan dilində öyrənməlidir”.
Bu sözləriAzEdu.az-aaçıqlamasındaəməkdar elm xadimi, professor Şahlar Əsgərovdeyib.
Belə ki, son günlər rus dilində təhsil məsələsi müzakirələrə səbəb olur.
Şahlar Əsgərov məsələ ilə bağlı fikirlərini ifadə edib:
“Rus dilində təhsil bütün müstəqillik illərində müzakirə edilən məsələ olub. Rus etnopedaqoqu deyir ki, milləti ən təmiz şəkildə uşaqlar təmsil edir. Onlarda millilik öləndə millətin yox olması başlayır. Bunu deyən pedaqoq müxtəlif ölkələrdə baş verən prosesləri öyrənərək həmin nəticəyə varıb.
Biz müstəqil dövlətik, dövlətimizin konustitusiyası və öz ana dilimiz var. Gənclərimiz nə qədər çox dil bilsə, bu bizim üçün şərəflidir. Onlar rus, inglis və digər xarici dilləri öyrənməlidir. Amma gərək ana dilimiz ölməsin. Ona görə də bizim kimi ölkələrdə adətən ibtidai siniflər üzrə təhsil ana dilində olmalıdır. Çünki uşaqların yetişməsində ibtidai təhsilin olduqca böyük rolu var. Uşağın beyni 10 yaşına kimi formalaşır, onda milli, mənəvi və digər vətənpərvər hislər yaranır. Ona görə də ibtidai təhsil ana dilində olmalı, hətta bəzi ölkələr bu təhsili 6 və 7 illə qədər çıxara bilir. Ondan sonra gələn yuxarı siniflər isə rus və digər dillərdə də təhsil ala bilər. Amma gərək ana dilimizi hər zaman qorumağı bacaraq. Milli şüuru özümüzdə saxlamaq üçün ibtidai təhsili mütləq şəkildə ana dilində almaq lazımdır. Öz doğma tarixini bilməyən gənc vətənpərvər ola bilməz. Şagirdlər tarix dərsini Azərbaycan dilində öyrənməlidir. Dillə siyasəti qarışdırmaq olmaz. Siyasət tam fərqli sferadır. Bizim rus dilli məktəblərimiz ola bilər, 6-cı sinifdən sonra uşaq rus dilində təhsil alması mümkündür. Çünki ruslarla 300 ilə yaxın ortaq tariximiz var. Milliliyi öldürməmək üçün uşaqlar ibtidai sinifi ana dilində təhsil almağa yönəlməlidir.
Uşaqlarımız ana laylası dinləməli və ana dilindəki mahnılarla böyüməlidilər. Ondan sonra isə digər dilləri seçib mənimsəyə bilərlər. Uşaqlar “Happy Birthday” yox, “Ad günün mübarəkdir” ifadəsini işlətməlidir”.
